Manzil ki rahoon per....

Nahi pata is raste ka, manzil ki koi khabar nahi,
Bas chalna hai aur chalna hai, safar ka koi ant nahi
Thak jaate hain kadam, toot jaata hai vishwas,
Par aankhon mein aasahaon ki, ummedon ki koi kami nahi
Aasha hai apni aasha par, sapno par, ummedon par,
ki waqt ka ye anant safar, zaroor pahuchayega kisi mukaam par:)

Mann...ye mera Mann

Jab sochte hain akele mein, kuchh samajh nahi humko aata,
Mann karta hai kuchh vyakta kare, par bhaav nahi samajh aata.

Ye mann hi to hai anjaana sa, jo kayee rang dikhlata hai, sapne dikhakar, aashayein jagakar…bas…wahi par tham jaata hai;
Aage kya hoga nahi pata, hum mann ke peechhe chalte hain, un sapno ko, ummedon ko, haqeeqat ki chaadar se dhakte hain.

Shabdon mein kehna isko phir bhi aasan hi hota hai, lekin us khwab ko sach karna, ek SEEPEE MEIN MOTI PAANE JAISA HOTA HAI :)

Ye Waqt Yahi Ruk....

Ye Waqt Yahi Ruk Jaaye To,
Is Upwan ka Avlokan Kar Loon,
Apni Is Khali Jholi Mein,
Kuchh Push Harsh Ke Phir Bhar Loon,

Ye Waqt Yahi Ruk Jaaye To,
Is Upwan Ko Shobhit Kar Doon,
Rahon Mein Jo hai Kaante bichhe,
Unhe Apne Daaman Mein Bhar Loon,

Ye Waqt Yahi Ruk Jaaye To,
Bas Yehi Prarthna Mein Kar Loon,
Jab Ruksat Ho Is Duniya Se,
Sabse Pehle Meri Sun Lo.